នៅក្នុងខណៈដែលទិវាសិទ្ធិមនុស្សអន្តរជាតិកាន់តែខិតជិតដល់សហគមន៍មិត្ត១០ ជាពិសេសអ្នករៀបចំពិធីអបអរសាទរទិវាសិទ្ធិមនុស្សអន្តរជាតិ កំពុងស្វះស្វែងសុំការអនុញ្ញាតពីអាជ្ញាធរមូលដ្ឋាន ហើយរហូតមកដល់ពេលនេះសហគមន៍ភាគច្រើនបានទទួលការអនុញ្ញាតពីអាជ្ញាធរមូលដ្ឋានរួចហើយ ប៉ុន្តែមានសហគមន៍ចំនួន១០ កំពុងជួបបញ្ហា ព្រោះអាជ្ញាធរមូលដ្ឋានទាំងនោះមិនអនុញ្ញាត ឬអនុញ្ញាតមិនពេញលក្ខណៈដែលសហគមន៍ចង់បាន។
នៅសហគមន៍ត្រពាំងអញ្ចាញសង្កាត់ត្រពាំងអញ្ចាញ សង្កាត់ត្រពាំងក្រសាំង រាជធានីភ្នំពេញ លោកមេភូមិត្រពាំងអញ្ចាញបានយល់ព្រមតាមការស្នើសុំរបស់អ្នករៀបចំហើយប៉ុន្តែត្រូវចៅសង្កាត់មិនអនុញ្ញាតឲ្យសហគមន៍រៀបចំប្រារព្ធពិធីអបអរទិវាសិទ្ធិមនុស្សអន្តរជាតិនេះទេ។
សហគមន៍កសិករដើម្បីអភិវឌ្ឍន៍និងសន្តិភាព ភូមិកុកតារៀ ឃុំរវៀង ស្រុកសំរោង ខេត្តតាកែវ អភិបាលស្រុក មិនអនុញ្ញាតឲ្យសហគមន៍រៀបចំពិធីអបអរសាទរទិវាសិទ្ធិមនុស្សអន្តរជាតិនេះទេ។
ចំណែកឯបណ្ដាញការពារសិទ្ធិកុមារ ឃុំរវៀង ឃុំរវៀង ស្រុកសំរោង ខេត្តតាកែវវិញក៏ត្រូវមេឃុំរវៀងហាមឃាត់មិនឲ្យរៀបចំកម្មវិធីនៅក្នុងឃុំនេះដែរ។
ក្រុមមនសិការយុវជនដើម្បីអភិវឌ្ឍន៍សង្គម គ្រោងធ្វើនៅក្នុងវិទ្យាល័យ ហ៊ុន សែន កំពង់អំពិល ឃុំកំពង់អំពិល ស្រុកពារាំង ខេត្តព្រៃវែង ក៏មានបញ្ហាដែរ។
ចំណែកឯសហគមន៍ព្រៃឈើក្រសាំង ឃុំក្រសាំង ស្រុករមាសហែកខេត្តស្វាយ រៀងឯណោះវិញមេឃុំបានអនុញ្ញាតឲ្យធ្វើតាមការស្នើសុំហើយ ប៉ុន្តែលោកអភិបាលស្រុកមិនអនុញ្ញាតឲ្យប្រារព្ធទិវាសិទ្ធិមនុស្សអន្តរជាតិ១០ធ្នូនេះទេ។
សហគមន៍ផ្លូវរថភ្លើង ភូមិទួលសង្កែ សង្កាត់ទួលសង្កែ ចៅសង្កាត់ព្រមឲ្យធ្វើ ប៉ុន្តែឲ្យសុំទៅខណ្ឌ និងសាលារាជធានីភ្នំពេញ។
ក្
រុមមិត្តកម្មករ ឃុំបែកចាន ស្រុកអង្គស្នួល ខេត្តកណ្ដាលអាជ្ញាធរអនុញ្ញាតឲ្យរៀបចំពិធីអបអរសាទរទិវាសិទ្ធិមនុស្សអន្តរជាតិ១០ធ្នូ ប៉ុន្តែហាមមិនឲ្យចង ឬលើកបដាទេ។
សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ទីរួមខេត្តព្រះសីហនុអាជ្ញាធរមិនព្រមទទួលពាក្យសុំរបស់អ្នករៀបចំទេ។
សហគមន៍ ភូមិស្វាយមាស ឃុំកណ្ដាលជ្រំ ស្រុកពញាក្រែក ខេត្តកំពង់ចាមអាជ្ញាធរគំរាមកំហែងនិងមិនអនុញ្ញាតឲ្យរៀបចំទិវាសិទ្ធិមនុស្សអន្តរជាតិទេ។
ចំពោះបណ្ដាញសហគមន៍កសិករ នៅភូមិគោកសណ្ដែក ឃុំសរក្សជ័យ ស្រុកបាភ្នំខេត្តព្រៃវែងឯណោះវិញអាជ្ញាធរឃុំបានប្រាប់អ្នករៀបចំយើងឲ្យយកលិខិតជូនដំណឹងទៅឆ្លងសាលាស្រុកជាមុនសិន បើសាលាស្រុកអនុញ្ញាតឲ្យធ្វើ នោះសាលាឃុំក៏អនុញ្ញាតឲ្យធ្វើដែរ។ ចំណែកឯតំណាងសហគមន៍វិញ បានប្ដេជ្ញាចិត្តថាទោះបីជាអាជ្ញាធរមិនអនុញ្ញាតឲ្យធ្វើក៏ដោយក៏សហគមន៍នៅតែធ្វើដែរ។
សម្រាប់ព័ត៌មានបន្ថែមសូមទាក់ទងទៅអ្នករៀបចំនៅតាមសហគមន៍នីមួយៗ ដូមមាននៅក្នុងតារាងនេះ (ភាសាខ្មែរ, ភាសាអង់គ្លេស)។
Subscribe to:
Post Comments (Atom)
Popular Posts
-
រហូតមកដល់ពេលនេះ (ម៉ោង៨ព្រឹក) ការប្រារព្ធទិវាសិទ្ធិមនុស្ស មានបញ្ហាខ្លះដោយសារអជ្ញាធររារាំង ទោះបីជានៅតាមសហគមន៍ទាំង១៣៨នៅ២៤ខ...
-
"តើស្ត្រីអាចងើបផុតពីភាពក្រីក្រយ៉ាងម៉េចនឹងកើតទៅ បើពួកគាត់គ្មានសិទ្ធិប្រើប្រាស់ដីធ្លី និងលំនៅដ្ឋាន?" កូហ្វី ...
-
" ដី និងធនធានធម្មជាតិ គឺជាអាយុជីវិតរបស់យើង " នេះជាពាក្យដែលប្រជាជននៅតាមសហគមន៍មូលដ្ឋាន ជាពិសេស... -
Human Right #2 : Everyone is entitled to all the rights and freedoms set forth in this Declaration, without distinction of any kind, such ...
-
Taken Question Office of the Spokesman Washington, DC Question Taken at the January 7, 2011 Daily Press Briefing January 12, ...
-
ឥឡូវនេះ នៅសហគមន៍រវៀង ស្រុកសំរោង ខេត្តតាកែវ៖ វីឌីអូរបស់អ្នកភូមិបឹងកក់ត្រូវនគរបាលដកហូត មិនឲ្យបញ្ចាំង ក្នុងឱកាសទិវាសិទ្ធិមនុ...
-
We, the undersigned human rights NGOs, human rights defenders and women human rights defenders of Asia, deeply regret the conviction of M...
-
នេះជាចម្រៀងមួយបទយ៉ាងពីរោះពីមជ្ឈមណ្ឡលអប់រំច្បាប់សម្រាប់សហគមន៍។ សូមស្តាប់មើលតើស្គាល់សំឡេងទេ? ០២. គុណតម្លៃស្ត្រី | Onli...
No comments:
Post a Comment