ស្ថានភាព​ក្រុម​ធម្មយាត្រា-សិទ្ធិយាត្រា ថ្ងៃ​ទី​៣០ ខែ​វិច្ឆិកានៅ​តាម​គោល​ដៅ​នីមួយៗ

មុន​ថ្ងៃ​ចាប់​ផ្ដើម​ ក្បួនដង្ហែរធម្មយាត្រា-សិទ្ធិយាត្រា​ថ្ងៃ​ទី១ ខែធ្នូ​ ដើម្បី​អប់រំ​ផ្សព្វផ្សាយ​​អំពី​សិទ្ធិ​មនុស្ស​ ដែល​​ត្រូវចេញដំណើរតាម​គោល​ដៅ​ដូច​ខាង​ក្រោម​នេះ ក្រុម​មិត្ត​១០​ធ្នូ​សូម​ធ្វើ​សេចក្ដី​រាយការណ៍​​អំពី​ស្ថានភាព​ពី​គោល​​ដៅ​នីមួយៗ​​ដូច​ខាង​ក្រោម៖

ផ្លូវជាតិលេខ៥ ចំណុច​ចាប់ផ្ដើមពីក្រុងពោធិ៍សាត់ ខេត្តពោធិ៍៖

by Chuop Sereyroth, Cambodia Media
Operator, November 30, 2013

តាម​សេច​ក្ដី​រាយ​ការណ៍​ពី​ព្រះតេជ​គុណ ប៊ុត ប៊ុនតិញ និង​ប្រជាពលរដ្ឋ​​​បាន​រាយការណ៍​មក​ថា អាជ្ញាធរ និង​ព្រះ​សង្ឃ​នៅ​វត្ត​បន្ទាយដីព្យាយាម​​​បណ្ដេញ​​ព្រះសង្ឃ​ និង​ប្រជាពលរដ្ឋ​ដែល​​​ត្រៀម​​ធ្វើ​ធម្មយាត្រា-សិទ្ធិ​យាត្រា​​ថ្ងៃ​ទី​១​ខែ​ធ្នូ​ចេញ​​​ពីវត្ត ​ប៉ុន្តែ​ដោយ​​មន្ត្រី​​របស់​អង្គការ​លីកាដូ​នៅ​ទីនោះ ដូច្នេះ​​ ​ព្រះសង្ឃ​​និង​ប្រជាពលរដ្ឋ​បាន​​សឹង និង​​សម្រាក​ត្រឹម​​តែ​​ក្រោម​​ដើម​​ឈើរ​​ក្នុង​​វត្ត​​តែ​​ប៉ុណ្ណោះ​​។

​ផ្លូវជាតិលេខ៦ ចំណុច​ចាប់ផ្ដើម​ពីក្រុងកំពង់ធំ ខេត្តកំពង់ធំ៖

by Ven. Ounlong, Nov. 30, 2013

តាម​​​ព្រះតេជគុណ យ៉ុម យឿន (Yom Yoeun) បាន​មាន​សង្ឃដីការ​រាយការណ៍​មក​ថា ក្រុម​​របស់​ព្រះតេជគុណ  ព្រមទាំង​ប្រជាពលរដ្ឋ​ដែល​គ្រោង​ធ្វើ​ធម្មយាត្រា​-សិទ្ធិយាត្រា​តាម​ផ្លូវ​​ជាតិ​លេខ​៦A ពី​ក្រុង​កំពង់ធំ មានសមត្ថកិច្ចមកសាកសួរ​។​ ​

 by Chorn Sokha, Nov. 30, 2013

ផ្លូវ​ជាតិ​លេខ១ ស្រុកចន្ទ្រា ខេត្តស្វាយរៀង​៖ តាម​សេចក្ដី​រាយការណ៍​ពី​​​ក្រុម​ធម្មយាត្រា-សិទ្ធិយាត្រា​​បាន​ឲ្យ​ដឹង​ថា រហូត​មក​ដល់​ត្រឹមម៉ោង​ប្រមាណ​ជា​៩​និង២០​នាទិយប់​ (ថ្ងៃ​ទី​៣០​ ខែ​វិច្ឆិកា) ពុំ​មាន​បញ្ហា​អ្វី​ទេ។

សម្រាប់​ស្ថានភាព​ពី ផ្លូវជាតិលេខ៣ ពី​​ទី​រួម​ក្រុង​កំពត​ ខេត្ត​កំ​ពត និង​ផ្លូវ​ជាតិ​លេខ​៤​​​ពី​ឃុំ​អម​លាំង ស្រុក​ថ្ពង​ខេត្ត​កំ​ពង់​ស្ពឺ​ ក្រុម​​មិត្ត​​១០​​ធ្នូ​ ​នឹង​​រាយ​ការណ៍​​នៅ​​ពេល​​ក្រោយ​៕​​