វត្តសុវណ្ណមេឃា កំពត៖ គណៈធម្មយាត្រា-សិទ្ធិយាត្រា ខេត្តកំពត បានធ្វើធម្មយាត្រាបានចម្ងាយ៤៦គីឡូម៉ែត្រពីចំណុចចាប់ផ្ដើមក្រុងកំពត ខេត្តកំពត។ យប់នេះគណៈធម្មយាត្រា-សិទ្ធិយាត្រា ស្នាក់នៅវត្តសុវណ្ណមេឃា ភូមិក្បាលរមាស ឃុំនរាយ ស្រុកឈូក។ ធម្មយាត្រា-សិទ្ធិយាត្រាថ្ងៃនេះមានអ្នកចូលរួមដែលជាប្រជាពលរដ្ឋនៅតាមផ្លូវជាតិលេខ៣ រួមទាំងព្រះសង្ឃផងមានចំនួន១២០អង្គ-នាក់។ ទាំងព្រះសង្ឃ ទាំងប្រជាពលរដ្ឋដែលបានចូលរួមធ្ធ្វើធម្មយាត្រា-សិទ្ធិយាត្រាពេញមួយថ្ងៃនេះមានការហត់នឿយកម្លាំងកាយខ្លាំង ប៉ុន្តែដោយសារតែមានឆន្ទៈខ្លាំងក្លាដូច្នេះមិនហត់នឿយកម្លាំងចិត្តទេ។ (រាយការណ៍ពីខេត្តកំពតដោយ លោក សរ ម៉ូរី)
ទីរួមខេត្តស្វាយរៀង៖ តាមសេចក្ដីរាយការណ៍បានឲ្យដឹងថា គណៈធម្មយាត្រា-សិទ្ធិយាត្រាតាមផ្លូវជាតិលេខ១ បានមកដល់ទីរួមខេត្តស្វាយរៀងហើយ បើគិតពីចំណុចចាប់ផ្តើមក្នុងថ្ងៃនេះគឺធ្វើធម្មយាត្រាបានចម្ងាយ២៤គីឡូម៉ែត្រ។ សេចក្ដីរាយការណ៍នេះបានឲ្យដឹងទៀតថា ការធ្វើធម្មយាត្រាមួយថ្ងៃពេញនេះមានការសម្របសម្រួលពីអាជ្ញាធរនៅតាមមូលដ្ឋាននីមួយៗយ៉ាងយកចិត្តទុកដាក់ ហើយប្រជាពលរដ្ឋនៅតាមដងផ្លូវក៍បានចូលរួមអបអរសាទរធម្មយាត្រានេះដែរ ដូចជានៅពេលដែលគណៈធម្មយាត្រាដង្ហែមកដល់ពួកគាត់ចេញមកទទួលអបអរសាទរ និងចូលជាបច្ច័យ មានទឹកសុទ្ធ មី និងរបស់របរផ្សេងៗទៀត។ ចំពោះដំណើរនៃគណៈធម្មយាត្រាថ្ងៃនេះក៍មានអង្គការសហប្រជាជាតិចំនួន៣នាក់បានចូលរួមជាមួយដែរ គឺពួកគាត់បានចូលរួមធម្មយាត្រាចម្ងាយប្រហែល៥គីឡូម៉ែត្រ។
ពាក់ព័ន្ធកន្លែងស្នាក់នៅវិញ សមាជិកនៃគណៈធម្មយាត្រាទាំងអស់ស្នាក់នៅផ្ទះប្រជាពលរដ្ឋនៅទីរួមខេត្តស្វាយរៀង គឺនៅជិតរង្វង់មូលរូបគោ ជិតសាលាដំបូងខេត្តស្វាយរៀង។ យប់នេះគណៈធម្មយាត្រាមិនបានធ្វើពិធីអ្វីទេព្រោះដោយសារតែទីតាំងមានភាពតូចចង្អៀត ហើយចរន្តអគ្គិសនីក៍ដាច់ដែរ។ (រាយការណ៍ខេត្តស្វាយរៀងដោយ លោក សុត ពិសិទ្ធិ)
ខេត្តកំពង់ស្ពឺ៖ តាមសេចក្ដីរាយការណ៍ពីខេត្តកំពង់ស្ពឺបានឲ្យដឹងថា នៅវេលាម៉ោង៧និង៣០នាទីព្រឹកនៅភូមិត្រពាំងត្រោក ឃុំប្រាំបីមុំ ស្រុកថ្ពងខេត្តកំពង់ស្ពឹគណៈធម្មយាត្រាធ្វើដំណើរបានចម្ងាយ៦គីឡូម៉ែត្រគឺមកដល់វិទ្យាល័យហ៊ុន សែនអន្លុងជ្រៃក៏ឈប់សម្រាក។ ពេលនោះលោកយ៉េងវិរៈ ដែលជាអ្នកដឹកនាំធម្មយាត្រា-សិទ្ធិយាត្រានេះ បានថ្លែងអំពីអង្គធម្មយាត្រាស្ដីពីសិទ្ធិមនុស្សដល់សិស្សានុសិស្សប្រមាណ៤០០នាក់និងមានសំណួរចំលើយទៀតផង។
បន្ទាប់ពីនោះមក ដល់ម៉ោង៩និង៣០នាទីអង្គធម្មយាត្រាបានធ្វើដំណើរបណ្ដើរ ពន្យល់ប្រជាពលរដ្ឋតាមដងផ្លូវបណ្ដើរអំពីសិទ្ធិមនុស្ស រហូតដល់ម៉ោង១១និង២៤នាទីអង្គធម្មយាត្រាបានឈប់សម្រាកអាហារថ្ងៃត្រង់នៅវត្តតាំងពោធិ៏។
លុះដល់ម៉ោងជាង២រសៀល ក្រុមធម្មយាត្រាបានចាប់ផ្ដើមធ្វើដំណើរបន្ត បានចម្ងាយប្រមាណ៧គីឡូម៉ែត្រ រហូតម៉ោងជាង៤ក៏ឈប់សម្រាកនៅផ្ទុះបងរបស់ម៉ាក់ម៉ាលីនៅភូមិថ្មីឃុំរុងរឿង ស្រុកថ្ពងខេត្តកំពង់ស្ពឺហើយព្រះសង្ឃសូត្រមន្តនិងផ្សារភ្ជាប់ពុទ្ធសាសនានិងសិទ្ធិមនុស្ស ព្រមទាំងមានសំណួរចំលើយស្ដីពីសិទ្ធិមនុស្ស ដោយមានអ្នកភូមិចំនួន៤០នាក់ចូលរួម។ (រាយការណ៍ពីខេត្តកំពង់ស្ពឺ ដោយលោក ផល វណ្ណៈ)
Subscribe to:
Post Comments (Atom)
Popular Posts
-
រហូតមកដល់ពេលនេះ (ម៉ោង៨ព្រឹក) ការប្រារព្ធទិវាសិទ្ធិមនុស្ស មានបញ្ហាខ្លះដោយសារអជ្ញាធររារាំង ទោះបីជានៅតាមសហគមន៍ទាំង១៣៨នៅ២៤ខ...
-
"តើស្ត្រីអាចងើបផុតពីភាពក្រីក្រយ៉ាងម៉េចនឹងកើតទៅ បើពួកគាត់គ្មានសិទ្ធិប្រើប្រាស់ដីធ្លី និងលំនៅដ្ឋាន?" កូហ្វី ...
-
" ដី និងធនធានធម្មជាតិ គឺជាអាយុជីវិតរបស់យើង " នេះជាពាក្យដែលប្រជាជននៅតាមសហគមន៍មូលដ្ឋាន ជាពិសេស... -
Human Right #2 : Everyone is entitled to all the rights and freedoms set forth in this Declaration, without distinction of any kind, such ...
-
Taken Question Office of the Spokesman Washington, DC Question Taken at the January 7, 2011 Daily Press Briefing January 12, ...
-
ខាងក្រោមនេះ ជាសេចក្ដីថ្លែងការណ៍ ប្រវត្តិនៃទិវាសិទ្ធិមនុស្ស និងផែនទីនៃក្បួនហែទិវាសិទ្ធិមនុស្សអន្តរជាតិនៅកម្ពុជា៖ សេច...
-
សេចក្ដីថ្លៃងការណ៍រួម ស្ដីពី ការព្រួយបារម្ភអំពីការរិតត្បិតសិទ្ធិសេរីភាពក្នុងការបញ្ចេញមតិរបស់អ្នកការពារសិទ្ធិមន...
-
Friends of December 10 has collected some interesting Radio Stations online where you can listen to news (both in English and Khmer), music,...
No comments:
Post a Comment