បច្ចុប្បន្ននេះ គេសង្កេតឃើញថា នៅតាមបុរី ឬនៅតាមផ្ទះជួលធំៗភាគច្រើននៅភ្នំពេញ កម្លាំងការពារសន្និសុខជារបស់ឯកជន។
នៅតាមផ្ទះជួល ឬនៅតាមបុរី ផ្លូវរបស់គេ ច្រើនតែមានដាក់កុងត្រូល ឬរបាំងបិទផ្លូវ ដោយមានកម្លាំងសន្តិសុខយាមប្រចាំការ មិនឲ្យមនុស្សធ្វើដំណើរដោយសេរីទេនៅពេលយប់។ ពេលខ្លះ ត្រូវសន្តិសុខ ត្រួតពិនិត្យអត្តសញ្ញាណប័ណ្ណថែមទៀតផង។ នេះអាចនិយាយបានថា អ្នករស់នៅក្នុងបុរីមិនសូវមានសេរីភាពដើរហើរទេ ប៉ុន្តែសុវត្ថិភាពរបស់គេ ពិតជាគួរឲ្យកក់ក្ដៅណាស់។ នេះដោយសារតែអ្នករស់ក្នុងបុរី ឬនៅតាមផ្ទះជួលទាំងនោះភាគច្រើនគេមានប្រាក់ ឬថៅកែផ្ទះជួលទាំងនោះ ជាអ្នកបង់ប្រាក់សេវាសន្តិសុខដោយយកថ្លៃឈ្នួលផ្ទះជួលខ្ពស់ជាងធម្មតា។
ដល់តែអ៊ីចឹងទៅ អ្នកដែលរស់នៅក្រៅតំបន់ ឬក្រៅបុរីក្បែរៗនោះ មានអារម្មណ៍ដូចជាគ្មានសុវត្ថិភាព ព្រោះគ្មានសន្តិសុខប្រចាំការដូចគេ។ ពេលខ្លះដេកលក់ទាំងអារម្មណ៍មិនស្កប់ស្កល់ ព្រោះខ្លាចមានអំពើអាក្រក់ណាមួយកើតឡើងចំពោះខ្លួន។
នៅតាមតំបន់ ឬនៅមូលដ្ឋានខ្លះ គេមិនដែលឃើញមានអាជ្ញាធរ ឬសន្តិសុខមូលដ្ឋានរបស់រដ្ឋដើរល្បាតការពារសន្តិសុខម្ដងណាឡើយ គឺគ្មានទាល់តែសោះ។ ដូច្នេះហើយ បើប្រៀបធៀបទៅ អ្នករស់នៅតាមបុរី ឬនៅតាមផ្ទះជួលធំៗ ហាក់ដូចជាមានសុវត្ថិភាពជាងអ្នករស់នៅក្រៅតំបន់បុរី។
តើនេះអាចនិយាយថា អាជ្ញាធរមូលដ្ឋានខ្សោយបានទេ?
Saturday, February 16, 2013
Subscribe to:
Posts (Atom)
Popular Posts
-
http://www.muziboo.com/dectenfriends/music/what-is-karma-or-kam/#
-
សូមបងប្អូន #កូនខ្មែរ #កងរាជអាវុធហត្ថ #ទាហាន និង #នគរបាលជាតិ #មន្ត្រីរាជការ មន្ត្រី #ធម្មការ #អាជ្ញាធរ គ្រប់ស្រទាប់ជាន់ថ្នាក់ ជាពិសេសកងប្រជាក...
